William A. Douglass eta Jon Bilbao dira Amerikanuak. Euskaldunak Mundu Berrian (Pamiela) izeneko lan mardularen egileak. Euskarazko itzulpena Asun Garikanok egin du. 

Nevadako Unibertsitateko Argitalpen Zerbitzuaren zuzendaria Robert Laxaltek egindako hit

Amerikanuak. Euskaldunak Mundu Berrian

Asteburu honetan, abenduaren 19tik 21era arte, Monterhermoso Kulturunean Mazokaren 2025eko edizioa egingo da. Aurten, Marrazki eta Ilustrazio Azokak 10 urte bete ditu, eta edizioko leloa Sormena: txinpartak giza faktorea izaten jarraitzen du izango da. Azo

Marrazkiaren festa

Haurrentzako gero eta komiki gehiago ari gara ikusten euskaraz, batzuetan bertan eta euskaraz sortuak eta bestetan euskarara itzulitakoak. Azken kasu honetakoak dira udazken honetan argia ikusi duten bi komiki hauek: Bang Ediciones/Mamut Comics etxeak Mark

Haurrentzako komiki gehiago euskaratu dituzte Bang Ediciones/Mamut Comics eta Ttarttalo etxeek

Bilboko SC Galleryk Abanto Fernando Tinocoren bakarkako erakusketa paratu du urtarrilaren 30era arte. 

Abantorekin Fernando Tinocok bere lehen bakarkako erakusketa inauguratu du SC Galleryn, esplorazio plastikorako bide berriak irekitzen dituen lankidetza

Absurduaren estetikak markatutako belaunaldia

Mintzoa argitaletxeak eta César Oroz komikigileak Nafarroaren historiari buruzko umorezko komikien sail bati ekin zioten duela bi urte, eta geroztik urtero bat ateratzen dute udazkenean. 2023an Zirt-zart Nafarroan!! Noaingo bataila, 1521 izan zen eta 2024a

Antso Azkarra eta Nafarroako banderaren kateak, César Oroz-en komiki berrian

Hasiera batean, Kukai konpainiak urriaren 18an eskaini behar zuen 'Txalaparta', Manuel Lekuona kultur etxean. Alabaina, azken minutuko ezbeharra dela-eta, kantzelatu egin behar izan zuten hitzordua oreretarrek.

Txalaparta doinuez osatutako dantza

'Txalaparta' ikuskizunaren hasiera

Asteburu honetan, abenduaren 19tik 21era arte, Monterhermoso Kulturunean Mazokaren 2025eko edizioa egingo da. Aurten, Marrazki eta Ilustrazio Azokak 10 urte bete ditu, eta edizioko leloa Sormena: txinpartak giza faktorea izaten jarraitzen du izango da. Azoka abenduaren 19an, ostiralean, inauguratuko da, 18:00etan, Ur Biltegian, eta bertso- eta txalaparta-emanaldiak eta jada ohiko bihurtu den irrintzi saioa izango dira. 

Mazokak Gasteizko herritarrengana hurbiltzen du artea, eta arlo horretako artistentzako erakusleihoa eta tranpolina ere bada.
 Bertako antolatzaileek adierazi duten moduan, “azoka hau marrazkiaren festa da. Hiru egunez ilustrazioko produktuak eskaintzeaz gain, kultura eskaintzen du erakusketaren, bertsoen, itzalen antzerkiko ikuskizunen eta abarren bidez. Gainera, kulturaren jai handia ere bada. Mazoka talentua, irudimena, originaltasuna eta pertsona sortzaileen ahalegina babesten dituen jaialdia izango da berriz ere. Azokako standetan arreta ematen ariko diren mazokalariak, askotariko estilo eta teknikak erakutsiko dituzte”. 

Antolatu diren ekimenen artean, bidean da Arabako Ilustrazioa: mazokalariak 2015-2025 erakusketa, Vital Fundazioaren Kordoi Etxean, eta bertan, azokan parte hartu duten 60 arabar baino gehiagoren lana egongo da ikusgai. 

Arabako Ilustrazio erakusketaz gain, Mazokako asteburuan, Montehermoson bertan, kartelen beste bi erakusketa ere ikusgai izango dira: horietako lehena Stop IA Gen da, Komiki Egileen Kolektiboarena. Komiki-egileren 90 kartel izango dira ikusgai, besteak beste, Cristina Durán edo Ana Penyas sari nazionalak eskuratu zituztenenak. Bigarren erakusketak profesionalek ilustratutako kartelen balioa azpimarratuko du eta Mazokaren eta bertako egileek egindako kartelen 10 urteko ibilbidea eskainiko du. 

Mazoka, batez ere, azoka bat da, eta ehungintza, papergintza, zeramika, egurra, 3D, brodatua, lanparak, jostailuak, tatooak, serigrafia edo linografia mugatuko serieak, eta abar izango dira ikusgai. 

Aurten, Mazokalariak Andaluzia, Aragoi, Valentzia, Murtzia, Gaztela-Leon, Bartzelona, Madril, Murtzia, Asturias eta Galiziatik iritsiko dira. Italia, Dominikar Errepublika eta Venezuelatik ere iritsiko da. Euskal Herrikoak ere ez dira faltako.

Nontzeberri

William A. Douglass eta Jon Bilbao dira Amerikanuak. Euskaldunak Mundu Berrian (Pamiela) izeneko lan mardularen egileak. Euskarazko itzulpena Asun Garikanok egin du. 

Nevadako Unibertsitateko Argitalpen Zerbitzuaren zuzendaria Robert Laxaltek egindako hitzaurrean honako hauek idatzi ditu: “Ez da harritzekoa euskaldunek Mundu Berrian izandako bost mendeko parte-hartzea hain isilean pasatu izana historia-liburuetan. Erreserba euskal nortasunaren markarik sakonena izan da beti.
 Eta hala ere, harritzeko modukoa izan da parte-hartze hori. Euskal marinelak aitzindari izan ziren ozeano ezezagunak zeharkatzen baleen atzetik, eta ziurrenik ezarria zuten begia Ternuan eta Kanadan 1500eko hamarkadaren hasierarako, edo agian lehenago. Euskal ontzi eta marinelei esker egin zen Kristobal Kolonen lehen espedizioa. Ordutik aurrera, euskaldunak presente egon ziren Hego Amerikaren, Mexikoren, Kalifornia espainiarraren eta Mendebalde Urrunaren konkistan eta kolonizazioan.
 Ondo samar informatutako legoa eta guraso euskaldunak dituen amerikarra naizen aldetik, esan beharrean nago liburu hau –Amerikanuak: Euskaldunak Mundu Berrian– garrantzi handiko mugarria dela. Bere edukia aurrerapauso handi bat da, horretan nago, Mundu Zaharrak Ipar Atlantikoan, Latinoamerikan eta Mendebalde Urrunean izandako parte-hartzearen historia ezagutzeko bidean”. 

Bostehun orri pasatxo dituen lan potoloan, makina bat argazki interesgarri ere badatoz, zaharrak guztiak, testu luze eta sakona hornitzeko xedez.

Gaiak

Herriak