Udal Musika Bandaren denboraldiko zazpigarren kontzertua. Oraingoan Isabel Rubio zuzendari ospetsua izango dugu gonbidatu bezala. Kontzertu honetan kontinente amerikarrera joango gara, bertatik etorri ziren eta gaurko egitaraua osatzen duten konpositore gu

Gasteizko Udal Musika Banda: "Ospa dezagun!"

Mélodie française errezitala Arriagan, 2025ean. Emanaldia Maurice Raveli eskaintzea ideia tentagarri bezain naturala da, batez ere haren jaiotzaren 150. urteurrena delako, konposatzaile bikain hori 1875eko martxoaren 7an jaio baitzen Ziburun (Ipar Euskal H

JOSEP RAMÓN OLIVÉ + FRANCISCO POYATO

Udal Musika Bandaren denboraldiko zazpigarren kontzertua. Oraingoan Isabel Rubio zuzendari ospetsua izango dugu gonbidatu bezala. Kontzertu honetan kontinente amerikarrera joango gara, bertatik etorri ziren eta gaurko egitaraua osatzen duten konpositore guztiak. Bertako erritmo, doinu eta dantzez blaituko gara, Julie Girouxen lanak kontatzen digun bezala; Europako oihartzunekin bat eginez, Alfred Reed entzungo dugun bezala. Kontzertuaren bigarren zatian, Roberto Sierrak eta Arturo Marquezek perkusioaren familia distiraraziko dute, kulturen batasun hori ospatuz. Kongak, guaratxak... baita pasodobleak ere. Leonard Bernsteinen arabera, Amerikako musikaren ezaugarria herri etorkinen eta autoktonoen arteko nahasketa aberatsa da. Gozatu eta ospatu batasun hau Gasteizko Udal Musika Bandaren erritmoan!Zuzendari gonbidatua: Isabel Rubio 

EGITARAUA 

- 'Second Suite for Band Latino-mexicana', Alfred Reed 

          I. San Montuno. 

          II. Tango (“Serenata Sargasso”). 

          III. Guaracha. 

- 'Shine'*, Julie Giroux
- 'Sinfonía No.3 La Salsa'*, Roberto Sierra 

          I. Tumbao 

          II. Habanera 

          III. Danzas 

          IV. Jolgorio 

- 'Conga del Fuego Nuevo', Arturo Márquez 

* Udal Musika Bandak jotzen duen lehenengo aldiaSarreren eta Abonuen salmenta Principal Antzokiaren lehiatilan eta web orrialde honen bidez izango da. 

ABONUAK: uztailaren 23tik aurrera, 17.30etan hasita.Informazio gehiago 24-25 Abonamendu Denboraldiari buruz

Kulturklik

Mélodie française errezitala Arriagan, 2025ean. Emanaldia Maurice Raveli eskaintzea ideia tentagarri bezain naturala da, batez ere haren jaiotzaren 150. urteurrena delako, konposatzaile bikain hori 1875eko martxoaren 7an jaio baitzen Ziburun (Ipar Euskal Herrian). Errezital-omenaldi honetan, Ravelen piezez gain, artistek haren garaikide izan ziren musikagileen lanak ekarriko dizkigute, mélodie delakoan nabarmendu zirenenak.Egitarauan dugu Reynaldo Hahn de Echenagucia venezuelarra, Ravel bezala euskal jatorrikoa zena eta, gainera, Pariseko Kontserbatorioan ikaskide izan zuena. Baita Déodat de Severac ere, Ipar Kataluniaren eta Mediterraneoko musikaren mireslea, Ravelen musika-adiskideen les Apaches taldeko kidea, Viñas, Caplet, Falla, Stravinski eta beste batzuekin batera. Eta Lili Boulanger, Ravel bezala Gabriel Fauréren ikasle izandakoa. Musikari-familia bateko kide zen Lili, eta lan ugari sortu zituen, gazte izanagatik sakontasun handikoak; izan ere, 24 urterekin hil zen, gaixotasunak jota bizi ondoren. Raveli bezala, Liliri ere folklore-musika eta ekialdekoa interesatzen zitzaizkion.Poulencekin bukatuko dugu errezitala, XX. mendeko mélodie egilerik handienarekin. Garai hartan gizateria gogor jo zuen gertakaria da musika-lanaren gaia: gerra. Poulenc frontean egon zen 40 urtetik gora zituela. Ravel eta Hahn bezala. Horiek biak Lehenengo Mundu Gerran izan ziren, eta Poulenc Bigarrenean. Calligrammes, «bake- eta gerra-poemak», Guillaume Apollinairek idatzi zuen frontean, 1913. eta 1916. urteen artean, eta Francis Poulencek 1948an musikatu zuen.Baritonoa: Josep Ramón Olivé.
Pianoa: Francisco Poyato.

2/26/2025 gertaerak

Gasteizko Udal Musika Banda: "Ospa dezagun!"

JOSEP RAMÓN OLIVÉ + FRANCISCO POYATO

JOSEP RAMÓN OLIVÉ + FRANCISCO POYATO