Joseba Irazokik egin duen Gitarra Lekeitioak (Gitarra Onomatopeikoa II) izeneko birari amaiera emango dio laster batean, eta horretarako bi kontzertu eskainiko ditu Felix Buff (Bateria), Amorante (Tronpeta, Harmonium), K lepo (Electronica) eta Lutxo Neira 

Nontzeberri

Ohikoak ez diren lekuetara eramateko

William A. Douglass eta Jon Bilbao dira Amerikanuak. Euskaldunak Mundu Berrian (Pamiela) izeneko lan mardularen egileak. Euskarazko itzulpena Asun Garikanok egin du. 

Nevadako Unibertsitateko Argitalpen Zerbitzuaren zuzendaria Robert Laxaltek egindako hit

Amerikanuak. Euskaldunak Mundu Berrian

Leioako 2026ko Umore Azoka datorren urteko maiatzaren 14tik 17ra egingo da bertoko kale eta plazetan. Aurten, jaialdiak jasotako proposamen guztien artetik 45 konpainia ekarriko ditu. 

Aipaturiko konpainietatik 18 Euskal Herrikoak izango dira, izan ere, U

Datorren urteko Umore Azokako konpainiak

Bilboko Udaleko Bidebarrieta Kulturgunean burutzen diren Eztabaidak Literaturarekin XXI. mendean izeneko saioan,  gaur, hilak 16, Sorkuntzaren zubiak: kazetaritzatik poesiara izeneko saioa antolatu da 19:00etatik aurrera. Bertan, Itziar Ugarte eta Iñigo As

Sorkuntzaren zubiak: kazetaritzatik poesiara

Asteburu honetan, abenduaren 19tik 21era arte, Monterhermoso Kulturunean Mazokaren 2025eko edizioa egingo da. Aurten, Marrazki eta Ilustrazio Azokak 10 urte bete ditu, eta edizioko leloa Sormena: txinpartak giza faktorea izaten jarraitzen du izango da. Azo

Marrazkiaren festa

Aurtengo edizioko palmaresa jakitera eman eta sari guztiak banatu egin ditu jaialdiak. Champions of the Golden Valley filma (Ben Sturgulewski) izan da irabazlea, eta Jabier Baraiazarrak Mendi Filmeko zuzendari eta mendi zinemaldien nazioarteko elkargoko pr

BBK Mendi Film Bilbao Bizkaiak sari banaketa burutu du

Euskarazko film laburren zirkuitu ibiltariaren XXIII.edizioa martxoaren 1etik 29ra arte egingo da. Zabalik dago Laburbirara lanak aurkezteko epea eta urtarrilaren 15era bitartean egongo da zabalik. 

Laburbira film laburren zirkuitu ibiltaria da, eta euska

Zabalik dago Laburbiran lanak aurkezteko epea

Joseba Irazokik egin duen Gitarra Lekeitioak (Gitarra Onomatopeikoa II) izeneko birari amaiera emango dio laster batean, eta horretarako bi kontzertu eskainiko ditu Felix Buff (Bateria), Amorante (Tronpeta, Harmonium), K lepo (Electronica) eta Lutxo Neira (Contrabajo) musikarien konpainiarekin. Aipaturiko bi kontzertu horiek honako data eta tokietan izango dira: abenduaren 18an, Donostiako Dabadan, eta urtarrilaren 18an, Gasteizeko Montehermoson. 

Helburua izango da “entzulea oso ohikoak ez diren lekuetara eramatea, baina etxean bezala sentiaraztea, zintzo eta zuzen agertzen den bere unibertsoko leihoak zabalduz, dena euskal folklorearen tradizioak, mundu anglosaxoiak, esperimentazioak eta, kasu honetan, baita jazz garaikideak ere inbadituta”. 

Irazokik ez du irudimenik falta bere instrumentuaren ahalbide guztiei ekiteko, eta gainera saiakera hori erabat gauzatzeko behar diren gaitasun teknikoen jabe da. Konposizio bakoitzean proposatzen zaigun lehen asmoak beti harrituko gaitu; aukera guztiak ateratzen dira jokora, deus gorde gabe, eta ekimenaren emaitza sormen-indar erakustaldi bat da. Kontzertuaren izenburuan Mikel Laboari egiten dion keinua esanguratsua da. Lekeitioak, Laboaren ahots-onomatopeia inprobisatu haiek, hemen ahotsik gabeko gitarra-garrasi bihurtzen dira.

Leioako 2026ko Umore Azoka datorren urteko maiatzaren 14tik 17ra egingo da bertoko kale eta plazetan. Aurten, jaialdiak jasotako proposamen guztien artetik 45 konpainia ekarriko ditu. 

Aipaturiko konpainietatik 18 Euskal Herrikoak izango dira, izan ere, Umore Azokaren konpromisoa, tokiko konpainien sorkuntzaren alde egitea da. Euskal herriko taldeez gain, Katalunia, Murtzia, Andaluzia, Galizia, Gaztela eta Leon edo Valentziatik ere etorriko dira. Guztira autonomia erkidego horietatik 21 konpainia etorriko dira. Nazioartetik ere batzuk hurbilduko dira, tartean, Italia, Frantzia eta Argentinakoak. 

Betiko legez, estreinaldiei garrantzi handi ematen zaie, eta aurten, 25 estreinaldi absolutu izango dira eta horietarik 16 lan lehen aldiz aurkeztuko dira hemen.
 Denetarik izango da ikusgai, antzerkia, dantza, zirku garaikidea, zirkoa malabareak, musika, hain bat diziplinen arteko hibridazioak, performanceak,… 

2026ko Umore Azokak konpainia finkatuak zein proiektu barriak batuko ditu, Leioan ikusgarritasuna eta hazkundea lortzeko aukera eskaintzeko, gainera, sektoreko profesionalentzako topagune ere bilakatuko da beste behin, programatzaileen eta kultura-eragileen arteko harremanak errazteko helburuz.

Asteburu honetan, abenduaren 19tik 21era arte, Monterhermoso Kulturunean Mazokaren 2025eko edizioa egingo da. Aurten, Marrazki eta Ilustrazio Azokak 10 urte bete ditu, eta edizioko leloa Sormena: txinpartak giza faktorea izaten jarraitzen du izango da. Azoka abenduaren 19an, ostiralean, inauguratuko da, 18:00etan, Ur Biltegian, eta bertso- eta txalaparta-emanaldiak eta jada ohiko bihurtu den irrintzi saioa izango dira. 

Mazokak Gasteizko herritarrengana hurbiltzen du artea, eta arlo horretako artistentzako erakusleihoa eta tranpolina ere bada.
 Bertako antolatzaileek adierazi duten moduan, “azoka hau marrazkiaren festa da. Hiru egunez ilustrazioko produktuak eskaintzeaz gain, kultura eskaintzen du erakusketaren, bertsoen, itzalen antzerkiko ikuskizunen eta abarren bidez. Gainera, kulturaren jai handia ere bada. Mazoka talentua, irudimena, originaltasuna eta pertsona sortzaileen ahalegina babesten dituen jaialdia izango da berriz ere. Azokako standetan arreta ematen ariko diren mazokalariak, askotariko estilo eta teknikak erakutsiko dituzte”. 

Antolatu diren ekimenen artean, bidean da Arabako Ilustrazioa: mazokalariak 2015-2025 erakusketa, Vital Fundazioaren Kordoi Etxean, eta bertan, azokan parte hartu duten 60 arabar baino gehiagoren lana egongo da ikusgai. 

Arabako Ilustrazio erakusketaz gain, Mazokako asteburuan, Montehermoson bertan, kartelen beste bi erakusketa ere ikusgai izango dira: horietako lehena Stop IA Gen da, Komiki Egileen Kolektiboarena. Komiki-egileren 90 kartel izango dira ikusgai, besteak beste, Cristina Durán edo Ana Penyas sari nazionalak eskuratu zituztenenak. Bigarren erakusketak profesionalek ilustratutako kartelen balioa azpimarratuko du eta Mazokaren eta bertako egileek egindako kartelen 10 urteko ibilbidea eskainiko du. 

Mazoka, batez ere, azoka bat da, eta ehungintza, papergintza, zeramika, egurra, 3D, brodatua, lanparak, jostailuak, tatooak, serigrafia edo linografia mugatuko serieak, eta abar izango dira ikusgai. 

Aurten, Mazokalariak Andaluzia, Aragoi, Valentzia, Murtzia, Gaztela-Leon, Bartzelona, Madril, Murtzia, Asturias eta Galiziatik iritsiko dira. Italia, Dominikar Errepublika eta Venezuelatik ere iritsiko da. Euskal Herrikoak ere ez dira faltako.

Gaiak

Herriak