2024ko ekainean, BilbaoArtek ikastaro praktiko berri bat eskainiko du BilbaoArteko irudi digitaleko tailerrean, "Negatibo digitalak sortzeko tailerra. Kallitipias eta Van Dyke marroia" titulupean, Joaquín Paredes argazkilariarekin. NEGATIBO DIGITALAK SORTZEKO TAILERRA
KALLITIPIAK ETA VAN DYKE MARROIA
JOAQUIN PAREDESEN ESKUZKallitipia eta Van Dyke marroia, jatorriz sepia sepia deitua, bi prozesu oso antzekoak dira eta ia aldi berean aurkitu dira. Biak gatz ferrikoetan eta zilarrezkoetan oinarrituta daude. Marrón Van Dyke izena asmatu eta 40 edo 50 urtera eman zitzaion, Anton Van Dykeren koadroetako tonuekin duen antzekotasunagatik. Tailerrean, 1889an W. W. J. Nicols kimikari eta argazkilari eskoziarrak asmatutako kallitipiaren prozesuari erreparatuko zaio, tonu-maila handiagoa duelako eta xehetasuna itzaletan atxikitzen duelako. IKASTAROAREN XEDEATailerraren helburua kontaktu bidezko inprimaketa-teknika hau ikastea da, baita landu ahal izateko prozesura egokitutako negatibo digitalak sortzeko beharrezko ezagutzak ere. Negatiboen kalibraketa tailerraren eta egin beharko den lanaren funtsezko zati bat da, baldin eta lortu eta prozesatutako irudi digitalarekin % 100ean bat datozen prozesu historikoak dituzten kopiak lortzea bada helburua. Kopia-prozesuek ez dute tonu-kurba linealik, eta, beraz, erabiliko den prozesu bakoitzera egokitu beharko da negatiboa. NORI ZUZENDUTA DAGO?Tailer hau hastapen-ikastarotzat hartzen da. Tailerra behar bezala garatzeko behar diren ezagutzak zati teorikoan zehar eskuratuko dira; beraz, ez da beharrezkoa izango aldez aurretik inolako ezagutzarik izatea. IKASTAROAREN EDUKIAHistoria: jatorria eta oinarriak
Paper motak, gelatina, akuarela eta guzti
Kimikoen prestaketa
Negatiboak prestatzea
Kontraste-kontrola
Erakusketa
Errebelatzaile motak
Biraketak (urrea, selenioa, platinoa, biraketa bikoitzak)
Finkatua eta argitua
Argazkiak, zalantzak eta ondorioak berrikusteaIKASTAROAREN INFORMAZIOAIraupena: 20 ordu.
Datak: ekainaren 24tik 28ra.
Ordutegia: 16:00etatik 20:00etara.
Ikastaroaren kostua: 60 €. BilbaoArte Fundazioaren erabiltzaileak, 2024an alta emandakoak: 30 €. 2024ko bekadunak: doan. Parte-hartzaileen kopurua: Gehienez 10 parte-hartzaile. Ikastaroa amaitzean, parte hartzearen ziurtagiria emango da. Izen-emateak: ekainaren 7ra arte. Ikastaroan parte hartu nahi dutenek izena emateko fitxari curriculum labur bat eta motibazio-gutun bat erantsi beharko dizkiote.
Eskaera Bilbao Arte Fundazioari egingo zaio e-mail bidez: bilbaoarte@bilbao. eus. Matrikula: Ekainaren 10-14ko astean jakinaraziko da parte-hartzaileen hautaketa eta matrikula ordaintzeko eskatuko da. INSKRIPZIO ORRIA (PDF)FICHA DE INSCRIPCIÓN (DOCX)