Jauzi handi bat emanez, Unax Carballo Fernandez (Durango, 2007) eta Jon Gerrikabeitia Rodriguez (Durango, 2007) Durango Rugby Taldeko 18 urtez azpiko taldetik Gernikako senior mailara igaro dira aurten. Espainiako selekzioagaz 18 urtez azpiko Europako txapelketa irabazi berri dute. Georgiari irabazi zioten finala. Lorpen esanguratsua da errugbi 15ean, Espainiako gizonen selekzioak 2012tik hona Georgiari irabazi dion lehenengo aldia izan delako.