Topaketa honek amaiera ematen dio bi dantza konpainiaren egoitza-prozesuari. Alde batetik, Ane Zapirain Gorostegi eta Alicia Rechac, mugimendu tailerra emango dutenak eta, bestetik, Leyre Ávila, "Conductas, público-privadas" pieza erakutsiko duena, eta ondoren solasaldia egongo da sormen prozesua azaltzeko. DANTZA TAILERRA | 10:30 - 12:00"Las Crudas" proiektuaren tresna koreografikoak ikertzera eta garatzera bideratutako laborategi-tailerra. “Las Crudas” prozesuan landutako  ikerketa-metodoa eta galderak eguneroko joko-eremu batera eraman nahiko genituzke, ingurune profesional eta ez-profesionalari tailer-laborategi irekia eskainiz. Helburuak:- Ideario formaletik atera eta bilaketa eguneroko kontaketari irekitzea, giza- dantza babestea (ez birtuosismoa), eszena ispilu bihurtuz, eta ez erakusleiho.
- La Crudas ikerketaren berariazko ariketak eta tresnak partekatzea eta praktikan jartzea.
- Mugimendu-dinamika desberdinak entrenatzea, gorputza eskuragarri egon dadin.
- Kide guztiek materiala aberasteko duten adierazpen-ahalmena bultzatzea.
- Sentimenduzko kanalak irekitzea, inprobisazioan entzumena eta autonomia zabaltzeko.
- Espazioa eta bere aukerak aztertzea, kokapen jakin batean arte-materialarekin jolastu eta esku-hartu ahal izateko. Tailerraren ardatzak:
Topaketa: gorputzaren eta ahotsaren bidez tentsioak askatzeko ezagutza-dinamikak eta jolasak proposatuko ditugu. Autonomia ekintzan: fisikotasuna eta gorputz-kontzientzia aktibatzeko ariketak eskaintzen ditugu, eta talde-topaketan edo bikoteka erabakiak hartzea bizkortuko dugu. Partnering-a: Las Crudas ikerketa-materiala oinarritzat hartuta bikote-lana garatzeko hainbat tresna entrenatuko ditugu. Berrelikadura: Behaketak, iritziak edo proposamenak trukatzea. Agertoki berriak, galdera berriak formulatzea. DANTZA-ERAKUSKETA & SOLASALDIA | 12:30Dantza-antzerkia uztartzen dituen obra honetan Leyre Ávila dantzariak erizain baten lan-eremuko eguneroko egoeretan sortzen diren emozioak irudikatu nahi ditu. Enfermera Saturada-ren "El tiempo entre Suturas" liburuan jasotako esperientzien egokitzapena da, betiere erizain gisa eremu publikoan zein pribatuan izandako bere esperientziaren ñabardurarekin.
 
Garapena:Pieza nire lanaldian gertatutako eguneroko osasun-egoerak aukeratzean oinarrituta sortu da. Obrak egungo giza baliabideen eta baliabide materialen gabeziaren eta Osasun Sistema Nazionalaren pribatizazio gero eta handiagoaren ondorioz biztanleek jasotako tratuarekiko duten atsekabea laburbiltzen du.
Egoera horiek islatzeko bideo- eta audio-proiekzio batzuk erabili ditut.  Proiekzio horiek, dantzaren eta testuaren bidez, antzezlanarekin tartekatzen dira, horrelakoetan erizain batengan sortzen den erreakzio emozionala jasoz. Erreakzio emozional hori desberdina izango da lan-eremuaren arabera, non eszena mugatuta egongo den. Ez da osasun-jokabideei edo Osasun Sistema Nazionalaren erabilera arduratsuari buruzko diskurtsorik eman nahi, xede bakarra erizain-paziente harremanaren bi aldeetatik publikoak enpatizatzeko edo ez enpatizatzeko moduko egoerak auzitan jartzea da. Gaur egun Osasun Sistema Publikoa gero eta pribatizatuagoa dago, eta, ondorioz, herritar guztien bizi-kalitatea jaitsi egin da. Hori dela eta proposamena egin nahi izan dut, errealitate hori jasotzeko eta, aldi berean, arte bizien bidez garatu daitekeen ala bestela bide horretatik egitea oso zaila den jakiteko.