"ppff" (pianissimo-fortissimo-ren akronimoa) musika-instalazio bisual bat da, eta pieza nagusia piano automatiko bat da, mailuak jotzen dituena, denbora errealean jasotzen dituen datu musikalen arabera. Pianoak ohikoa ez den iturri batetik lortzen du sarrera musikala: LED pantaila bertikal batean erakusten diren grafiko sortzaileen zaparrada etengabe batetik.

Musikalki, “ppff?” instalazioak 7 jokabide sortzaile edo miniatura baizik ez ditu, eta horietako bakoitzak ideia adierazkor, kontzeptual edo harmoniko desberdin bat aztertzen du: musika atonal eta zehaztugabearekin hasi, eta modal edo erritmikoraino. Miniatura guztiak errepikaezinak dira, zoriak eta aukerek asko baldintzatzen baitituzte.

 

Playmodes ikus-entzunezko ikerketaren estudio bat da. Diseinuaren, artearen eta ingeniaritzaren artean dago, eta ikus-entzunezko tresnak eraikitzen ditu, bere teknologiak erabiliz. Bere lengoaiaren ardatza da espazioa, soinua, irudia eta mugimendua sendotzea, ikuspegi askotatik: argi eta soinuzko instalazio sortzaile murgiltzaileetatik hasi, eta gailu eskultorikoetaraino eta ikus-entzunezko performance-etaraino.

Azken urteotan, proiektu artistikoak egin ditu mundu osoan musika elektronikoko ekitaldietarako, hala nola Bartzelonako Sonar eta Amsterdameko DGTL ekitaldietarako; eta Karlsruheko ZKM eta Linzeko Ars-Electronica instituzio artistikoetarako.