Bruce Springsteenek kontzertua eskainiko du Reale Arena Donostiako estadioan ekainaren 21ean, Doctor Music kontzertu sustatzaileak iragarri duenez. Sarrerak urriaren 8an jarriko dituzte salgai, 70, 84, 94, 108 eta 140 euroan harmailetan, 140 euroan pistaren aurrealdean eta 88 euroan pistaren atzealdean. Gehienez ere, sei sarrera erosi ahalko ditu bakoitzak. Bruce Springsteek Donostian emango duen bosgarren kontzertua izango da ekainekoa; 2016an egon zen azkenekoz, taldearekin batera The River disko mitikoaren 40. urteurrena oholtza gainean ospatzen.