Kristalezko kioskoa blues, pop, rock, eta swingen musika erritmo anitzetara begiratzen duen leihoa izango da. Nerabe zela pop-rock, country-blues eta blues doinuek harrapatu zuten musikari hau eta ez da harritzekoa, beraz, Bob Dylan, Neil Young, Bruce Springsteen, Van Morrison eta beste musikari entzutetsu batzuen eragina izatea. Markos Untzetak amerikartzat jotzen duten musika-genero horrekiko liluraren emaitza dakarkigu kristalezko kioskora, euskaraz abestuta eta oso ohikoa ez den proposamen berezian.