Nerea Beaskoetxea Sarrionandia (Iurreta, 1982) eta Jose Txintxurreta Alberdi (Iurreta, 1931), Orozketako auzo eskolako belaunaldi biren isla dira. Jose lehenengo ikasleetariko bat izan zen, eta Nerea azkenetarikoa. Biek oroitzapen politak dituzte eskolan bizi izandako urte haietaz. Auzotarrentzat bizimoduaren parte izan da beti auzo eskola, elkargune bat. Gaur egun ere halaxe dela diote.