SUNCINE, Ingurumeneko Zinemaren Nazioarteko Jaialdiaren Erakusketa, 20. ediziora iritsi da Vitoria-Gasteizen eta publiko guztientzako ingurumen arloko zinemarekin lotutako mundu mailako erreferente gisa sendotu da. Beste behin, planetak ingurumen, sozioekonomia eta kultura arloetan bizi duen egoerari buruzko gerturatze errealista, konprometitua eta kritikoa hurbilduko du erakusketak Arabako hiriburura. Emanaldiak Aldabe gizarte-etxean egingo dituzte 19:00etan eta sarrera librea izango da tokia bete arte. Aurten, 5 film luze, 3 film labur eta animazioko 5 lan labur eskainiko dituzte bost saiotan banatuta. Gainera, tokiko dokumentalak, ‘Zure platerean hasten da mundua’ lanak, ere bere tartea izango du. Dokumental hori Suncine jaialditik kanpo egindakoa da eta tokiko produkzio-egiturari eta agroekologiari balioa ematen dizkie. Aurtengo kartel deigarrian Jane Goodall, Gombe-n (Tanzania) askatasunean bizi diren txinpantzeekin egindako landa-ikerketan aitzindaria izan zen zientzialaria, ikus daiteke tximeletaz inguratuta. - SUNCINE 2024: egitaraua (pdf)ProgramazioaAurtengorako antolatutako programazioa martxoaren 11n, astelehenean, hasiko da Juan Fernándezen ‘Voices in the water’ dokumental argentinar-alemanarekin. Itsasoan urtero galtzen diren arrantza intentsiboko aparailuen 640. 000 tona baino gehiagok bioaniztasunerako dakarten mehatxu larria du dokumentalak hizpide. Ondoren, Richard Zubelzuren ‘La batalla del viento’ film espainiarra ikusteko aukera egongo da. Bertan, energia berriztagarrien , erauzketa-ereduaren, logotipo berdedun enpresen zuriketaren eta horrekin lotutako oligopolioaren inguruko gogoeta bultzatzen du. Asteazkenean, hilaren 13an, Egoi Susoren ‘Amalur’ dokumental espainiarra iritsiko da. Murgiltze-esperientzia zinematografiko horrek “desberdintasunez betetako eta zentzurik gabeko aurrerapenean sartutako” munduaren aurrean izandako portaera sozial eta indibiduala aztertzen du. Proiekzioaren ondoren, bertaratzen direnek ‘Urak Iawoi, Hermanos del Mar’ film espainiarra ikusteko aukera izango dute. Bertan, Tailandiako uharte bateko biztanleen eguneroko bizitza ikus daiteke: jarduera turistikoaren eta arrantza tradizionalaren arteko oreka bilatzen saiatzen diren aborigenak. Bestalde, martxoaren 14ko, osteguneko zineforumaren protagonista Euskadiko film bat izango da. ‘Zure platerean hasten da mundua’ izenburupean, Amaia Aierbek eta Ion Fontenlak elikadura-katearen oinarrietan gertatutako iraultzaren inguruko gogoeta egiten dute. Hain zuzen ere, iraultza horri esker, planetak etorkizuna izan dezake. Martxoaren 18an, astelehenean, Suncinek berriro ere saio bikoitza izango du Oriane Descouten ‘Terra de mulheres’ film labur brasildarrarekin eta An Tranen ‘For tomorrow’ film kanadarrarekin. Lehenengo horretan, zuzendariak eta urtebeteko alabak landatar munduan zehar ikasketako eta bizitza mailako bilaketako bideari ekingo diote naturaren zaintzari eta baserriko bizitzari lehentasuna emanda. Bigarrenean, aldiz, bost pertsona grinatsu azaltzen dira; berrikuntzaz baliatuta, mundu osoan zehar premia handiena duten jasangarritasuneko erronkei aurre egingo diete filmean zehar. Amaiera emateko jardunaldiaErakusketa martxoaren 21ean, ostegunean, amaituko da zazpi film labur interesgarrirekin. Irandik iritsitako ‘The sorrow of the forest’, Maryam Razaghirena. Irango ipar-mendebaldean dagoen Hircaniako basoetako basozain zahar baten istorioa kontatzen du: basoa eta bertako animaliak zaintzeko erronka ugariri egin beharko die aurre. Eta Estatu Batuetatik iritsitako ‘How blue is your ocean’ lanak, Joe Pisciottarenak, gogoeta kezkagarri bat jaurtiko du: “arrainek plastikoa jaten dute. Guk arrainak jaten ditugu. Egin gogoeta”. Irene Borra zuzendari katalanak ‘Què li passa al cel?’ animazioko filma ekarriko du. Naturaren edertasunaren eta gizakiak eragindako suntsipenaren arteko kontrastea erakusten ditu. Bestalde, Amr Dallaq-ek ‘Stray flowers’ Yemengo filma proposatzen du. Lan horrek Maher-en istorioa kontatzen du: “aitarekin bizi da eta aitak asma du. Goizero ateratzen da kalera jendeak jaten, botatzen… dituen arrosak biltzera. Gainera, egun horretan Aldabe gizarte-etxera gerturatzen direnek Annie Farleyren ‘El hombre que arreglaba las cosas’ lan ingelesa ikusteko aukera izango dute. Film horrek era guztietako objektuak konpontzeko tailerra zuen eta, mutiko batekin gertakari harrigarri bat izan ostean, Lurra konpontzeko lanean gainerako pertsonekin bat egingo duen gizon baten istorioa kontatzen du. Alexis Morrison ere jaialdiaren aurtengo edizioan izango da Frantziatik iritsiko den ‘Sombre’ film laburrarekin. Bertan, plastikoa biltzen ari den urpekari bat Ozeanoko arrakala batera eroriko da eta ezkutuan dagoen zerbait beldurgarria topatuko du…Zülfü Gülen ‘The last tree’ film turkiarraren galdera bat da protagonista: Zer gertatzen da Lurreko azken zuhaitza mozten denean? Gai hori izango da hizpide martxoaren 21ean, SUNCINEri amaiera emango dion jardunaldian. Saioa amaitzeko, bi proposamen izango dira: Irandik iritsitako ‘The sorrow of the forest’, Maryam Razaghirena. Irango ipar-mendebaldean dagoen Hircaniako basoetako basozain zahar baten istorioa kontatzen du: basoa eta bertako animaliak zaintzeko erronka ugariri egin beharko die aurre. Eta Estatu Batuetatik iritsitako ‘How blue is your ocean’ lanak, Joe Pisciottarenak, gogoeta kezkagarri bat jaurtiko du: “arrainek plastikoa jaten dute. Guk arrainak jaten ditugu. Egin gogoeta”.