Proiektu tematikoaren barruan, performanceak (proiektu eszenikoaren oinarri gisa) filmak eta tailerrak alde batera utzita, artistak Uharteak izenaren pean antolatzen dituen erakusketak ere sortzen dira. Erakusketa-ibilbide horiek osatzen dituzten ikus-entzunezko instalazioek, argazki-serieek, testuek eta marrazkiek kontuan hartzen dute bisitariaren presentzia (haren gorputza, mugimenduak, memoria. . . ). “Hau ez da mehatxua. Hemen gaude. Bai, itzuli egin ginen. Konplizeak aurkitzea lortu dugu. Hemen gaude zuekin eta egun hauetan fikzio berriak aktibatuko ditugu. Hiru bi bat…
Gure bulegotik (banderarik gabeko gure baltsa) abentura berrietarako hitzaurre berriak asmatzen saiatuko gara. Peter Pan (azeleraturik hegan egiten irakatsi zigun izaki krudel hori, gure garaiak aldatu eta sinesmenak irakatsi zizkiguna) jada ez dago. Berdin dio!
Badakizu zer den kraterra? Krater bat izan nahi duzu uharte honetan? Planeta honetan?
Tira, ardatza aldatuko dugu!
Alda ditzagun irudiak tokiz, alda ditzagun soinuak… Arkitektura, objektuak eta argiak berreskuratzen saiatuko gara… Uste duzu? Bai horixe!
Hau ez da simulakro bat. Oroitzapen batzuk zalantzan jarriko ditugu. Intuizioak nahastea. Septina kapera bat egitea, ohe azpian txabola bat eginez igande euritsu batean logelan jolasten dena bezalakoa.
Uste duzu?
Bai horixe!
Hau ez da mehatxua. Dei bat da. Sinesten didazu? Hiru bi bat…
Kraterren ekaitza aspaldi hasi zen. Zatoz zure gorputzarekin, irudiarekin, islekin eta itzalekin ikustera eta parte hartzera finkapen ezegonkor berri hauetan!
Saiatu zure inkontzientea azkartzen.
Dena gezurrezkoa gertatzen da hemen eta orain Jamas-Jamas, Haur Galdu guztiak bizi garen irla zoragarri kezkagarri hori.
Ikusten duzunez, 2024ko udaberriko espazio-garai inkoherente hauetan gertatzen da dena. Guztia Azkuna Zentroko Kubo Baltzan, igerilekuek gainezka egin dezaten, zutabeak xaxatu daitezen eta zerbait gerta dadin. ”