125. urteurrena ospatzeko ekitaldien barruan, Arabako Farmazialarien Elkargoak munduari egindako lehen birako botikaren erakusketa ekarri du Gasteizera. Erakusketan, besteak beste, honako material hauek daude: mapa faksimileak, Victoria ontziaren erreprodukzioa, albareloen erreplikak, sendagaiak prestatzeko kutxak, astrolabioa, ontziak, espeziak eta abar. Pieza horiek garai hartako nabigazioa nolakoa zen eta zer sendagai, lanabes eta espezia erabiltzen ziren modu frogagarrian ulertzeko aukeratu ziren.

Erakusketa osatzen duten elementuez hitz egingo da asteartean, hilak 19, 19:00etan egingo den hitzaldi batean.

 

Antolatzailea: Arabako Sendagaigileen Elkargo Ofiziala.