Grapa eta Bellum taldeak gonbidatuko dituzte Gure Lasarte Zikina egitasmoko kideek etzi, hilak 19, Xirimiri elkartera. 20:00etan hasiko dira kontzertuak eta sarrerek 5 euro balio dute.

Grapa eta Bellum taldeek joko dute Xirimirin, ostiralean

Aurrekontuek azpiegiturak sendotzea, herritarren bizi-kalitatea hobetzea eta herri-bizitza sustatzea dute helburu.

Mañariko Udalak 2026ari begirako aurrekontuak onartu ditu

Jardunaldia  Social Factory Summit ekitaldiak ekonomia sozialeko proiektuak eta inpaktu-inbertsioaren eragileak bildu ditu BBFn 

Abenduaren lehen astean, Bilbao Berrikuntza Faktorian (BBF) Social Factory Summit ekitaldiaren edizio berri bat egin zen. Soci

Social Factory Summit ekitaldiak ekonomia sozialeko proiektuak eta inpaktu-inbertsioaren eragileak bildu ditu BBFn

Duela 10 egun irten zen albistea Netflixek erosiko zuela WBD (Warner Bros Discovery) enpresa, eta tratua azaltzeko modu irakurterrazean eman ziguten hedabideek: HBO Max streaming zerbitzua erostera zihoala Netflix, WBD delakoaren jabetzako marka ezagunena 

HBO erosiko duela Netflixek? Paramount sarturik erdian, auzia konplikatzen da

Eusko Jaurlaritzaren Gobernu Kontseiluak gaur baimendu du Azpeitiko Udalarekin eta Azpeitia Berritzenekin akordioa egitea, Elizkaleko 18, 20, 22 eta 24 zenbakidun lurzoruetan alokairu sozialerako hamasei etxebizitza eta trastelekuak eraikitzeko. Proiektu h

Elizkaleko alokairu sozialeko etxeak hiru urte barrurako eraikiko dituzte

Australiak 16 urtetik beherakoentzako sare sozialak debekatu ditu aste honetan. Gobernuak espreski izendatu dituen hainbat zerbitzutan, kontuak ezabatzen hasi dira, eta erabiltzaile berriei adin debekua jartzen (ustez). Honako hauetan, hain zuen: Facebook,

16 urtetik beherakoei sare sozialak debekatu dizkiete Australian

Emanaldia Elizabarrin izango da, 19:00etan. Sarrerak 10 euroan eskuratu daitezke Garaiko udaletxean.

Eñaut Elorrietak kontzertua eskainiko du zapatuan, Garain

Anboto

Txintxarri

Duela 10 egun irten zen albistea Netflixek erosiko zuela WBD (Warner Bros Discovery) enpresa, eta tratua azaltzeko modu irakurterrazean eman ziguten hedabideek: HBO Max streaming zerbitzua erostera zihoala Netflix, WBD delakoaren jabetzako marka ezagunena baita agian HBO. Momentuz, erosketa ez da gauzatu, ze beste enpresa batek, Paramount Skydance akordioaren gainetik salto egin dezakeela iragarri du, akzio erosketa erasokorra proposatuz WBDren gainean. Alegia, WBD itun baten bidez Netflixen parte izan gabe geratu daitekeela, eta aldiz Paramount-en jabetza bihurtu. Nork zer nola erosi baino gehiago ere badago hemen, streaming zerbitzuak bateratu baino gehiago: joko politiko gogor bat zeinean Trump-en aldekoek AEBetako panorama mediatikoa kontrolatu dezaketen.WBD nork erosi ere, erabiltzaileentzako albiste on gutxi. Warner Bros Discovery atal askoz osatuz joan da azken hamarkadan, eta bere marka horietako batzuen fusioak gertatu izan dira, erabiltzaileei mesede gutxi eginez. Hortaz, logikoa da jendeak pentsatzea HBO Max eta Netflix bat egiteak ez duela ekarriko, katalogo zabalagoa izan arren, hobekuntza bat berritasunen kalitatean, edo zerbitzuaren prezioan.Warner/HBO eta Netflix batuko baliraHorren adibidea eman zuen iaz WBD berak. Bazuen streaming zerbitzu bat, Eurosport (kirolari emana), Discovery telebista multzoaren parte bihurtu zena. Eta Discovery zein HBO biak izanik WBDren umeak, zera erabaki zuten; bi streaming plaraformak, HBO Max eta Eurosport, bat egitea. Baina honela egin zuten: Eurosport nahiko merkea zen Hego Euskal Herrian (4 edo 5 euro hilean), eta orain ere "horrela" da, komatxo artean. Pagatzen duzu 5 euro hilean, baina ez berezko harpidetzarekin, HBO Max-en 10-12 euroak pagatu behar dituzu, eta horri gehitu 5 euroak Eurosport beste aplikazio/zerbitzuan gehigarri moduan edukitzeko.Etorkizunean, HBO Max eta Netlfix batuta berdina susmatu daiteke: batuketak justifikatuko dituztela, prezioak igota. Eurosport-eko kontsumitzaile merke-zale zaharren kasuan (Sustatuko editore snooker-zalea dugu horrelako bat).Warner/HBO eta Paramount batuko baliraBaina tira, aurrekoa gauzatuko den... ba ikusiko beharko da, ze akordio posiblea iragarri eta egun gutxitara Paramount Discovery enpresak akzio erosketa erasokorra iragarri zuen WBD erosteko.Kasu honetan Paramount zer den fijatu beharra dugu. Bere sinboloa sarri ikusi dugu film ekoizpenetan, sarrerako kredituetan, baina gaur egunean film ekoiztela baino askoz gehiago da. WBD bezala, Paramount Discovery osatu da txatal asko elkarren gainera elkartuz, hala nola Frankenstein mediatiko-enpresarial bat. Telebista alorrean bere marka nagusia AEBetako kate nagusietako bat da, CBS, baina beste zenbait ere badira, MTV beteranoa, The Movie Chanel eta Comedy Central kasu.Euskal Herrian marka hauek ez dute eragin edo sona berezirik ez dutelako hemen zabaldu den streaming zerbitzurik, baina AEBetan eta beste merkatu batzuetan inportanteak dira. Batez ere AEBetan, bere jabetzagatik. Han, David Ellison batek sortu zuen Skydance film konpainia 2006an, zeina izugarri hazi den urterik urte 2024a  berak erosi arte Paramount. Hortaz, Paramount Skydance izenean, izen ospetsua Paramount da, eta txiki edo erdi ezezaguna Skydance, baina jabetza eta kontrola Skydanceren parte horretan datza. Eta detailetxo bat: David Ellison ez da edozein, Larry Ellisonen semea da, eta aitaren inperioaren diruarekin hazi da, meritu propioekin baino gehiago.Beste azalpen extra bat: Larry Ellison da tekno-aberats handi horietako bat, Elon Musk (Twitter, Tesla), Mark Zuckerberg (Meta, Facebook), Jeff Bezos (Amazon, the Washington Post), Bill Gates (Microsoft). Eta beste tekno-marka horiek publiko orokorrarentzat ezagunak diren bezala, akaso ez hainbeste Ellisonena, Oracle, baina hau ere erraldoi teknologiko bat da enpresetako softwarearen alorrean, baita Euskal Herrian ehundaka langile baditu enpresa jakin batek horietako askotan. Larry Ellison izan da tarteka munduko gizon aberatsena azken 30 urteetan egiten diren sailkapen horietan (une honetan Musk da), baina orain hor goian ez badago ere, nabarmendu da Trump-en aldeko tekno-oligarken artean. Laburtuz: Paramount diogunean, Ellison familia Trump-zalea esaten dugu.Eta honen ondorioa da, Paramount-ek erosten badu Warner, HBOren ukitu liberalak kontrolpera ekartzeaz gain, Warnerren beste jabetza nolabait kritiko ere, bereziki CNN albiste katea, Trump-en aldera lerratu daitezkeela.Eta, puf, horrela daude gauzak!

Sustatu

Jardunaldia  Social Factory Summit ekitaldiak ekonomia sozialeko proiektuak eta inpaktu-inbertsioaren eragileak bildu ditu BBFn 

Abenduaren lehen astean, Bilbao Berrikuntza Faktorian (BBF) Social Factory Summit ekitaldiaren edizio berri bat egin zen. Social Factory by Mondragon Team Academy ekimenak bultzatuta, jardunaldiak ekonomia sozialeko ekimen ekintzaileak eta Euskadiko inpaktu-inbertsioaren eta ekonomia sozialaren ekosistemako funtsezko eragileak bildu zituen  2025·12·17  

  

Egun osoan zehar, 11 proiektu ekintzailek inpaktu-inbertsiorako mahai batean beren ekimenak aurkezteko aukera izan zuten, beren balio-proposamena, inpaktu sozialeko eredua eta hazkunde-potentziala sektoreko erreferentziazko erakundeen aurrean partekatuz. 

Inbertsio-mahaian eta jardunaldiaren espazio desberdinetan parte hartu zuten erakundeen artean honako hauek egon ziren: Bizkaia Seed Capital, ASETT Arizmendiarrieta Social Economy Think Tank, Elkarlan S.Coop / Hazicoop, Spain NAB (Inpaktu Inbertsioaren Espainiako Elkartea) eta GARAIA Parke Teknologikoa. Horrek guztiak topaketaren izaera estrategikoa indartu zuen, helburua duen ekintzailetzaren eta ekonomia sozialaren balioekin lerrokatutako inbertsioaren arteko konexiorako gune gisa. 

 

Social Factory Summiten programak dinamika parte-hartzaileak, tailer praktikoak, inspirazio-guneak eta networking-uneak uztartu zituen, ekintzaileen, ekosistemako eragileen eta berrikuntza sozialarekin lotutako profesionalen arteko ikaskuntza partekatua eta esperientzien trukea erraztuz. Jardunaldiak, besteak beste, Powerful Breakfast – World Café bat, inpaktu-inbertsioari buruzko tailer bat, pitch-ak prestatzeko saioak, ekonomia sozialaren orainari eta etorkizunari buruzko elkarrizketa ireki bat eta inbertsioa lortzeari buruzko dinamika esperientzial bat jaso zituen. 

Horrela, Social Factory Summit ekonomia sozialeko proiektuak bultzatzeko erreferentziazko gune gisa sendotzen da, Mondragon Unibertsitateak eta Mondragon Team Academyk ekintzailetza eraldatzailearekin, berrikuntza sozialarekin eta inpaktu positiboaren sorrerarekin duten konpromisoarekin bat eginez. 

Social Factory FSE+ek kofinantzatutako proiektua da, EFESO programaren baitan, CEPES erakundea bitarteko erakunde gisa izanik, eta ASETT Arizmendiarrieta Social Economy Think Tank-ek ere babestua. 

Ekitaldiko argazki batzuk hemen ikus ditzakezu: https://www.flickr.com/photos/enpresagintza/albums/72177720330837928/ 

#CEPESEFESO #CEPESFSE

Gaiak

Herriak