Sindikatuak Gernika-Palestina saretik apirilaren 25erako Donostian deitutako manifestazioa babestu du<!--- 

UGT Euskadik atxikimendua adierazi dio Gernika-Palestina herri saretik aurkeztutako manifestuari, zeinetan Palestinako egoera salatu eta elkartasuna agertzen jarraitu beharraz ohartarazten da, gerra salatzeaz gain. Honen harira, Gernikako bonbardaketaren urtemugaren bezperan, apirilaren 25ean, manifestazioa egingo da Donostian, 17:30etan, Alderdi Ederretik.  

Manifestua: 

GERNIKAREN HERRITIK,
GENOZIDIORIK EZ! GERRARIK EZ! 

Apirilaren 25ean, Donostian, nazio mailako mobilizaziora deitzen dugu euskal gizartea. Gernikatik, memoriaren eta jasandako basakeriaren herritik, bonbardaketaren 89. urteurrenaren bezperan, Palestinari begira salbuespeneko deialdia egiten dugu: genozidiorik ez, gerrarik ez. 

Egungo egoera jasanezina da. Nahikoa da. Gaza eta Palestinako gainerako lurraldeetan bizi duten egoerak ez du atzera bueltarik: eraso ilegalak etengabeak dira, oinarrizko laguntza humanitarioa ukatua da, eta herri oso baten eskubideak sistematikoki urratzen dira. Azken hilabeteotan, gainera, bortizkeria areagotu eta gatazka beste lurraldeetara hedatu da. Ezin dugu hori guztia onartu.   

Bi urte baino gehiago daramatzagu Euskal Herritik Palestinarekiko elkartasuna adierazten, euskal gizartea aktibatzen eta artikulatzen. Badakigu zer den suntsipena; Gernikak bizi izan zuen, eta horregatik ezin dugu isilik geratu. Egun munduan gertatzen ari denaren muinean Palestinak jasaten duen sufrimendua dago, eta ezin dugu beste alde batera begiratu. Ardura bat dugu, hemen eta orain. 

Munduaren egoera bera ere jasanezina da: genozidioak, gerrak, biolentzia, blokeoak, goseteak, desplazamenduak eta etengabeko mehatxuak. Nazioarteko legedia sistematikoki urratzen da, eta indarraren logika nagusitu da. Ezin dugu egoera hau normaltzat hartu. Euskal Herriak ezin du besoak gurutzaturik geratu. 

Dena den, ikuspegi falta handia edo inozokeria galanta litzateke pentsatzea honek soilik Palestinarekin eta Gazarekin zerikusia duenik. Ez da horrela. Munduko ordena berria da arazoa. Eta horregatik, oraindik zuzenbide-estatuan eta kontuak ematean sinesten duten estatuek, CPIren eta CIJen giza balio partekatuetan sinesten dutenek, printzipio horiek guztiak altxatu eta defendatu behar dituzte. 

Israel eta AEB gelditzen ez baditugu, inpunitate osoz jardungo dute, beren interes geoestrategikoak eta ekonomikoak inposatzeko. Egun ikusten ari garenak hori berresten baino ez du egiten. Logika inperialista eta espantsionista batek lotzen ditu, eta munduaren egoera honen erantzule nagusienak dira. Ezin dute inpunitaterik izan. Herriak dagoeneko epaitu ditu, baina nazioarteko justiziak ere bere bidea egin behar du. Harreman ekonomiko, komertzial eta politikoek ezin dute normaltasunez jarraitu, ezta kultura edo kirol arlokoak ere. 

Baina ez pentsa genozidioaren eta gerraren ondorioak urruneko lurraldeetara mugatzen direnik. Gure gizartean eta lurraldean ere badute eragina, gure balioetan, gure ekonomian eta gure etorkizunean. Herritarrok gara ondorioak pairatzen ditugunak; herritarrok jartzen ditugu hildakoak. Horregatik, argi diogu: ez dugu genozidiorik onartzen, ezta gerrarik ere. Ez dago justifikaziorik. Elkarrizketa, negoziazioa eta konponbide politikoak dira bide bakarra. 

Horregatik guztiagatik, euskal jendarteari dei egiten diogu: mobilizatzera, aktibatzera, ahotsa altxatzera. Ez gure izenean. Ez dugu onartzen gure izenean genozidiorik eta gerrarik egitea. Gernikaren herria bakearen eta elkartasunaren sinboloa da, eta bakea eta justizia aldarrikatzen jarraituko dugu. 

Apirilaren 25ean elkartu gaitezen Donostian. 

âGernika, Gaza gehiagorik ez!â 

Visitas: 0 <!---

Categorías

Poblaciones

UGTk Palestinarekin elkartasunean eta gerraren aurka kalera ateratzeko deia egin du