David Cepo No cruces los brazos ikuskizun berriarekin iritsiko da Baluartera. Jaiotzez komikoa eta ezustean influencer-a, sare sozialetan sentsazio berria bilakatu da, bat-batekotasunari eta gertutasunari esker. Bere bideo asko biralizatu egin dira eta orain antzokietara umorez beteriko ikuskizun batekin iritsiko da, non bere emanaldiaren protagonista sentituko zaren. Beraz, ez duzu aitzakiarik. Esperientzia bizitzera zatoz? Eta badakizu, "Ez gurutzatu besoak, ez zaizkizu txisteak sartzen eta". 1988an Madrilen jaioa, David Cepo eszenatokietan interesatzen hasi zen 20 urte inguru zituenetik. Bere vis komikoa beti erakusten, Madrilgo Udal Arte Dramatikoaren Eskolan eta Manuel Galianaren Estudio 2 zentroan aktore gisa trebatzen da. Bertan, HITA, ¿De qué hablamos cuando hablamos de amor? edo Terror y miseria del Tercer Reich bezalako lanak antzezten dituzten taldeko kide izateko hautatzen dute. Gaur egun, bere bakarkako lanaz gain, Las Noches del club de la comedia ikuskizunean finkoa da. Gertutasuna da bere zigilua, eta bere helburua bertaratutako guztiei barre eragitea da, nahiz eta, bere ustez, aretoan sartzeko jarrera garrantzitsua izan. Berak dioen bezala, "ez gurutzatu besoak, ez zaizkizu txisteak sartzen eta".