Pentsio baxuenak LGS Lanbide arteko Gutxieneko Soldatekin parekatzeko eskatzen jarraitzen dute pentsiodunek. Gasteizen manifestatuko dira ostegunean eta, ekintza horretarako motorrak berotzeko elkarretaratzea egin dute Lasarte-Oriako talde eragileko kideek, Okendo plazan. Hilabetetan landutako Herri Ekimen Legegileari entzungor egin izana leporatu diote EAJ, PSE-EE eta VOX alderdiei, horiek izan baitziren gaiari buruzko eztabaida "eragotzi" zutenak Eusko Legebiltzarrean. Erretiratuta dauden pertsonen beharrak "gero eta handiagoak" direla azpimarratu dute.