Langile Batzordea negoziatzeko prest dago, baina lanuzteei epe mugagabean ekingo die 24tik aurrera, astearte eta ostegunetan, enpresak aldarrikapenei kasu egin ezean<!--- 

Ramondineko langileek bat egin dute Enpresa Batzordeak (UGT, CCOO, ELA eta LAB) Guardiako (Araba) lantegian gaur, asteazkena, ekainak 18, egin duen grebarekin, enpresak Metalgrafiken Estatuko hitzarmena ez aplikatzeagatik soldatak izoztu dituelako. Lehenengo txandan, ehun bat langile gelditu dira, eta antzeko jarraipena espero da, bai arratsaldean, bai gaueko txandan.   

Batzordeak negoziatzeko borondatea azaldu du, baina hilaren hasieran iragarri zuen grebara jotzeko erabaki irmoa hartu zuela, baldin eta enpresak bere aitzakiak eta soldatak aplikatu beharreko hitzarmenaren arabera eduki guztietan ez eguneratzeko jarrera azpimarratzen bazituen. Horrela, maiatzaren amaieran egindako batzarretan grebara joatea onartu zuten langileen babesarekin, gaur bere hitza bete du, gehiengoak lanuzteekin bat eginez. 

Ramondineko langileen eskubideen aurkako erasoak, plantillaren lan-kargak eta enpresaren argudioak egiaztatzen dituen dokumentaziorik ezak etenik ez badute, Batzordeak finkatutako egutegiari jarraituko dio, eta, beraz, datorren ekainaren 24tik aurrera, greba mugagabe bihurtuko da asteartero eta ostegunero. 

Gaur goizean bezala, Batzordeak elkarretaratzea egingo du Ramondingo sarreran (La Paz kalea 27-29, Casa Blanca industrialdea, Guardia) 13:15etik aurrera, 14:00etan txanda aldatu aurretik. 

Visitas: 11 <!---

Categorías

Poblaciones

Ramondineko grebak langileen gehiengoaren babesa izan du, soldatak izoztearen aurka