Urtez urte eta kilometroz kilometro, erreferentziazko hitzordu bilakatu da Lasarte-Oriako San Silvestrea; pare bat orduko lasterketa ez konpetitiboa izatetik egun osoko ekimena izatera igaro da, adin tarte guztietako bizilagunek gozatzeko modukoa. Izaera berbera izango du bederatzigarren edizioak: parte hartzailea eta solidarioa, dibertigarria eta koloretsua. Gauzak horrela, herritarrek badute hilaren 31rako plana.