Foru Museoak 280. 000 bisitari inguru izan ditu eta 15. 000 bisita gidatu baino gehiago eskaini ditu, eta urtero 6. 000 ikasle inguru erakartzen dituzten makineria historikoaren erakustaldiak eta tailer didaktikoak eskaintzen ditu. 20 urteko ibilbidean El Pobaleko Burdinola erreferentziazko museo moduan finkatu da Bizkaian burdinaren industria historikoa nabarmenduz, funtsezkoa izan delako lurraldeko ekonomiarako eta kulturarako. 2009az geroztik bere hezkuntza- eta turismo-programazioan txertatu du Muñatones Gaztelua, 31. 000 pertsona baino gehiago erakarriz Erdi Aroko Antzezlan Historikoa eta bisita antzeztuak bezalako jarduerekin. 20. urteurrena ospatzeko El Pobalek ekainaren 22an ekintza berezia eskainiko du. Bertan, bisita gidatuak egiteaz gain, bertaratzen diren pertsonek Luis Padura olagizon eta errementariaren trebetasuna ikusi ahal izango dute sutegian. Ezinbestekoa da izena aldez aurretik ematea. Datorren ekainaren 22an El Pobalen bisita gidatuez gain, bertaratzen direnek Luis Padura olagizon eta errementariaren trebetasuna ikusi ahal izango dute sutegian. Luis Padurak haize-orratz bat egingo du bertan. Erakusketa hau Bilboko Euskal Museoak utzitako haize-orratzen bilduma bat erakusten duen "Haizearen seinale, denboraren seinale: Haize-orratzak Bizkaian" instalazioa museoak hartzen duenean egiten da. José Pablo Arriagaren instalazio artistikoak haize-orratzen funtsa zur kurbatuko piezetan jasotzen du, eta ikusizko esperientzia paregabea sortzen du Bizkaiko Foru Aldundiaren El Pobaleko Burdinolan. Erakusketa azarora arte egongo da zabalik. Ezinbestekoa da aldez aurretik erreserba egitea larunbat honetan, ekainak 22, izango den ekitaldira joateko.