Gustavo Blanco Leschuk "oso pozik" agertu da Eibarrera iritsi delako. "Teknikariek zein taldekideek ongietorri beroa egin didate eta oso pozik nago. Etxean bezala sentiarazi naute hasieratik", adierazi du.

Aurrelariaren hitzetan, Eibarrera etortzea "familiaren erabakia izan zen". "Guztion artean erabaki dugu hona etortzea. Nire futbol-ibilbiderako onena aukeratzen saiatu ginen. Klubak proiektu oso ona du. Urte asko eman ditu lehen mailan, nahiz eta azken urtean ez du zorte onik izan".

Argentinarra estreinakoz aritu zen La Nuciaren aurka joan den larunbatean eta bere lehen gola eskuratu zuen. "Garrantzitsua da aurrelari batentzat gola egitea. Lan gehiago egitea falta zait. Argentinako ordu aldaketatik nentorren eta kosta egin zait entrenamendu ordutegira egokitzea".

"Taldeari partida bakoitza hobetzen eta puntuak lortzen laguntzea espero dut. Ondoren, jokatzea teknikariaren erabakia izango da.  Aurrelari langilea naiz, taldeari puntuak lortzen eta gauzak ondo egiten laguntzen saiatzen dena".

Blanco Leschukek oso ondo ezagutzen du Smartbank Liga Malaga eta Oviedotik igaro ondoren. "Oso kategoria lehiakorra da, pixka bat ezagutzen dut. Garrantzitsua izango da partidaz partida joatea. Ez erotzea, ez eta epe luzera pentsatzea ere. Lehen partida garrantzitsua izango da, baita bigarrena, hirugarrena eta horrela hurrenez hurren joan beharko dugu".

"Gauzak ondo egin nahi ditut pertsonalki eta futbolean hobetzeko, hori eginez golak iritsiko dira eta aukerak ere bai".